سبعة أماكن يشجعون على العيش في تونس: أشهر المأكولات التونسية الشعبية

سبعة أماكن يشجعون على العيش في تونس: أشهر المأكولات التونسية الشعبية

!الحطاب: صحفة لبلابي ولا صحن تونسي و جوك أحلى جو

 

 

 

 

 

اللبلابي: طبق شعبي محبوب برشى من قبل التونسى، مكون أساسًا من الحمص والكمون و ياكل خصيصا لمقاومة البرد.

صحن تونسي: اسمو على جسمو؛ صلاطة تونسية خضرة، زيت زيتونة، كبار، عظمة، خل، و ملح… بش فالخر تجي خلطة 100% تونسية.

رايس لبحار: مقرونة و بريكة fruits de mer و ديمة يمشي!

 

 

 

 

مع رايس لبحار في سيدي بوسعيد تنجم تغطس في مقرونة محرحرة و متخرج منها إلا ببريكة تونسية تعمل ستة و ستين كيف.

التوانسة الكل مغرومين بالبريك وهاو جاي سيدي رمضان تو يشهد.

حلويات الشاف في اريانة: و شكون ميحبش الفريكاسي؟

  

 

 

 

 

الفريكاسي: أكلة لا تقاوم، من برا تتقرمش و من داخل مزيج محرحر:  الهريسة عنصر مهم، بطاطا، زيتون، تن، و رشة ملح من فوق

متع الراجل البحبوح إلي غادي  serviceعند الشاف في قلب أريانة، تنجم تتمتع بأبن فريكاسي ولا بريكة و تخرج فرحان بال

.البياري: الكفتاجي قصة حب كبيرة

 

 

 

 

 

شكون إلي ايقول إلي أصل الكفتاجي إيطالي! أما راهو سر البنة إلي فيه هو اللمسة التونسية الشعبية. و شكون يسكن في باردو و ميعرفش البياري و ريحة الكفتاجي تفحفح من راس النهج

.الكفتاجي متكون من برشا خضرة مقلية، عضم، هريسة، كبار… و كل مع بعضهم يعتيو مطعم واحد مفماش كيفو

!ملاوي من عند محبوبة: شيء كبير

 

 

 

 

 

 

الملاوي من عند يديات محبوبة عالم آخر و آذاك علاه لازم تمشي بكري للحي الملاحة  بش تلقى بلاصتك. بشوية فلوس، تنجم تشبع علخر و تاكل صوابعك وراها. الملاوي هي خبزة مغاربية، في المغرب و الجزائر فما الملاوي زادة و الكلنا متفقين على بنتها

شباتي حي الملاحة: و شكون مسمعش بها؟ 

 

 

 

 

 

كان تعمل بحث على الشباتي، تلقاها جاية من أصل هندي أما كلعادة التوانسة يستبناوها و ازيدوها اللمسة التونسية الشعبية؛ هريسة، سلاطة مشوية، عظمة، و تن  و تجي حاجة هبال

!دجاجة مصلية من عند عمي الناصر: و يوفى الكلام

 

 

 

 

نكملوا حديثنا بدجيجة من عند عمي الناصر في المنزه 1 إلي يتفنن في تطييب الدجاج و تكمل تاخو سلاطة تونسية مفوحة تفرشك، حاجة تعمل ستة و ستين كيف! الدجاج المصلي أكلة مستهلكة برشا في العالم العربي و علاش لا؟ و هي بنينة، تشبع، و رخيصة

لازمنا فالخر نقولوا إلي الماكلة التونسية الشعبية غنية برشا و ملونة برشا و تستحق إنو نكتبو علاها و نعتيوها قيمتها. أما زادة مش لازم نكثروا من ماكلتها برشا برشا

A consommer avec modération!

Partager cet article

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *